ابنك مش فاهم الطرح وبيسألك كل مرة: «أعمل إيه؟» جربي تعلّميه بالعربيات اللي بيلعب بيها 🚗

من الحاجات الحلوة في تعليم الجمع والطرح إننا نستخدم ألعاب الطفل نفسها.

اعملي ورقة كأنها جراج، وحطي جواه 3 عربيات.

وقولي له:
«الجراج فيه كام عربية؟»

«طيب عربية واحدة هتمشي.»

خليه هو يطلع العربية من الجراج.

وبعدين اسأليه:
«كان عندنا 3 عربيات، عربية مشيت… بقى عندنا كام؟»

هيعد العربيتين اللي لسه موجودين:
1… 2.

ساعتها قولي له:
«كان عندنا 3، واحدة خرجت، فبقوا 2… يعني العدد قل.»

«ولما جزء من العدد بيخرج أو بيقل، دي عملية طرح.»

وبعد ما يفهم الفكرة ويشوفها بإيده، نقدر نوريه إننا بنكتبها:

3 − 1 = 2

ابدئي باللي الطفل يقدر يشوفه ويحركه بنفسه… وبعدها قدّمي له الأرقام والعلامة. 🤍

#على_قد_عقلنا, #الطرح, #تعليم_الطرح, #تعليم_الجمع_والطرح, #رياضيات_للأطفال, #تأسيس_رياضيات, #تعليم_الأطفال, #مذاكرة_الأطفال, #المذاكرة_والتعليم, #تعليم_الأطفال_في_البيت, #أنشطة_للأطفال, #KidsMath, #MathForKids, #KidsLearning, #EarlyMath, #LearningThroughPlay