A Live Night Special | Katarsis – Shpat Deda & The Private Jets

Një mbrëmje e mbushur me emocione dhe muzikë cilësore u përjetua në Sallën e Koncerteve në Universitetin e Arteve më 28 dhe 29 prill, ku Shpat Deda solli për publikun këngët e tij më të dashura. I shoqëruar nga banda dhe trompisti ndërkombëtar Raynald Colom, artisti ndërtoi një atmosferë unike, ku muzika dhe poezia u ndërthurën në një përvojë katarsisi shpirtëror. Energjia e publikut, që këndoi së bashku me të, konfirmoi lidhjen e fortë mes artistit dhe dëgjuesve. Një ndërthurje e muzikës dhe poezisë përmes këngëve më të njohura të artistit. Sepse ky nuk ishte një koncert i zakonshëm, ky ishte Katarsis, një udhëtim shpirtëror që të fton në reflektim. “Katarsis” vjen më 30 maj, të shtunën, ora 21:00, në Top Channel, Top Albania Radio dhe TAR TV!