《變形記》出版小秘密，原來隻「蟲」係咁解？卡夫卡喺一百年前以最荒謬嘅劇情，寫實咁剖析打工仔嘅苦痛丨有文有路（2）丨野人文化，《變形記》

歡迎你嚟到有文有路，人生路茫芒，文化方見道。今集係有文有路嘅第二集，我哋會繼續用野人文化出版嘅《變形記》，嚟講講卡夫卡嘅作品。

上集我哋講咗卡夫卡嘅生平，認識到家庭為卡夫卡帶嚟莫大嘅精神壓力，而卡夫卡總係要拖住懷有結核病嘅身軀，每日營營役役咁工作。

喺罕有嘅工餘時間，卡夫卡將家庭、工作、疾病凝結，寫成一部小故事，亦即係喺1915年出版嘅《變形記》，以最引人入勝、近乎荒誕嘅劇情，記錄一個打工仔嘅無奈同被動。

最神奇嘅係，即使劇情荒誕，但你仍然會喺故事當中感到源源不絕嘅寫實。

今集，我哋會先講講一個《變形記》出版時嘅小秘密——如果你喺封面見到一個圖案，咁即係嗰一個版本係唔尊重卡夫卡嘅意願。之後，我哋就會一齊睇下《變形記》嘅開頭。