簡述關稅嘅底層邏輯——關稅唔係簡單嘅貿易壁壘！「斯托爾珀──薩繆爾森定理」同二十世紀貿易史對現代嘅啟示丨有文有路（7）丨《貿易大歷史》

上次我哋講到《貿易大歷史》嘅作者指出，歐美喺十九世紀末、二十世紀初期各國高舉關稅，但貿易暢順嘅現實。而唔少經濟史家都認為關稅同大蕭條嘅關係唔大。如果你未聽，就記得聽咗上集先。

今次，係有文有路嘅第七集，為咗說明關稅嘅作用同關稅歷史對現代嘅啟示，我哋就要講講一個重要嘅關稅理論——「斯托爾珀──薩繆爾森定理」（Stolper–Samuelson theorem）。喺開始之前，我哋先睇下關稅嘅背景知識——關稅同市場競爭之間嘅關係。